मयूरवर्ण महाविहार संघया दुजपिं मुनां थन धार्मिक एवं सामाजिक सेवा यानाः संघया दथुई सुधार उद्धार यानावनेगु हेतुं थी थी सेवा कुथित नीस्वनां ज्या न्ह्याकावयाच्वंगु जुल । गथेकि:-
१. वि.सं. २००४ सालं परोपकार डिपो क्लिनिक चायेकाः रोगी सेवा यानावयाच्वंगु ।
२. वि.सं. २००५ सालं ज्ञानमाला भजनसंघ नीस्वनां बुद्ध धर्मया ज्ञान प्रचार प्रसार यानावयाच्वंगु ।
३. वि.सं. २०११ सालं टोलय् सुधार यानावनेगु हेतुं टोल सुधार समिति नीस्वंगु जुल । लिपा थुगु समिति विघटन जुयाः संशोधन सहित यानाः २०४२ सालं निसें हानं सुचारु रुपं ज्या न्ह्यानाच्वंगु जुल ।
४. थनया संघपिं मुनां थःपिन्सं हे मृत्यु संस्कारया यायेमाःगु ज्या यानावनेत वि.सं. २०२२ सालं मृत्यु संस्कार प्रवन्ध समिति नीस्वंगु ।
५. वि.सं. २०२८ सालं जन्मान्तया ज्याय् कथंहंकावनेगु झ्वलय् जन्मान्तसंस्कार समिति नीस्वंगु
६. वि.सं. २०२४ सालं शैक्षिक एवं बौद्धिक विकासया नितिं जन्मैत्री वाचनालय नीस्वंगु ।
७. युवावर्गपिनि शारीरिक एवं मानसिक विकासया नितिं वि.संं २०४६ सालं मैत्रीक्लब नीसवंगु ।
८. वि.सं. २०५१ सालं युवावर्गपिनित स्वावलम्वनया चेतना रोजगारया ग्वसाः ग्वयगु उद्देश्य स्वावलम्वि समूह नीस्वंगु ।
